Ken nos ta

Desde 2013 Aruba a keda sorprendi ora un Parlamentario a entrega un amienda pa legalisa matrimonio di personanan di mesun sexo sin cu esaki tabata un promesa di campaña ni un maneho di gobierno. Esaki tambe a haci cu pueblo a bira mas consciente di e balor di sa kico esnan cu nos ta vota pa nan ta para pe.

Embahada Cristian Aruba ta un organisacion den formacion pa brinda e creyente cu ta convenci cu Dios a yam’e pa ta den politica e oportunidad pa prepara su mes mas miho posibel pa sirbi Dios y su comunidad di e forma aki.

Tambe nos ta duna informacion na e creyente y na pueblo en general tocante loke Palabra di Dios ta siña den area di politica y gobernacion. Nos kier yuda pueblo y e creyente comprende e balor di su voto na momento di escoge nos representatenan den Parlamento.

Bijbel ta duna criterio pa esnan cu pueblo ta vota pa nan por tin un puesto den gobierno civil:
– Hende cu sabiduria.
– Hende cu discernimento.
– Hende cu experiencia.

Deuteronomio 1:13

Scoge for di boso tribunan hombernan sabi cu tin discernimento y experencia, y ami lo nombra nan como boso cabesantenan.